Key information (Cantonese)

​

重要資訊：
•    請喺你預約時間前10分鐘到達。
•    如果呢次係你第一次使用輔導，而且你係申請有資助嘅輔導服務，請記住要帶埋你有收入審查（Means-tested）嘅福利證明。
•    每節輔導時間係50分鐘。

 

輔導協議
喺你開始放心咁同我哋分享你嘅情況之前，我哋會先講解清楚點樣合作。你嘅輔導員會喺跟你第一次見面時，同你一齊睇一次輔導協議。你可以預先睇一睇，咁做會對你了解份協議書有幫助。

 

成人輔導協議（廣東話版）

 

輔導點運作？
每次輔導都會安排喺同一日子同一時間進行，方便你計劃自己嘅日程。我哋有專業嘅輔導團隊，無論你面對咩困難，我哋都會支持你，幫你了解自己嘅狀況。我哋唔會批評你，所有你講嘅嘢都會絕對保密。

 

點樣付款？
而家嘅輔導收費係 £65、£50 或 £10，具體收費會根據你嘅經濟狀況而定。你喺登記時，請同我哋接待處嘅同事確認清楚你要付費幾多。如果你需要付款，可以喺接待處親自俾錢。請注意：每次預約都要即時付款。
如果你唔肯定自己要交幾多錢，請聯絡接待處查詢。聯絡我哋

 

我哋喺邊？
實體面對面嘅輔導會喺我哋 Altrincham 分部進行。
地址：40 Mayors Road, Altrincham, WA15 9RP

 

按呢度睇地址（英文）

 

廣東話支援
如果適合嘅話，你會被安排一位講廣東話嘅輔導員，會用廣東話進行輔導。接待處主要係講英文，但我哋都有講廣東話嘅同事可以協助你，有需要可以喺星期一至五，早上九點至下午五點聯絡我哋。